Sunday, June 12, 2011

സൌജന്യ മെഡിക്കല്‍ ക്യാമ്പ്‌

















 ഹൃദയത്തിനു
താള ബോധമില്ലെന്നു ഡോക്ടര്‍!
പണ്ടാരമടങ്ങാന്‍!
ഉള്ള "ബോധം" കൂടി പോകുമല്ലോ!
സ്ത്രീ നഗ്നത പ്രദര്‍ശന വസ്തുവല്ലെന്ന്
നൂറിനു നൂറ്റിപ്പത്തു തവണ
എഴുതുകയും പറയുകയും
ചെയ്യുന്നവരല്ലേയെന്നു കരുതിയാകണം
 -ഇവിടെ വേണ്ട
 ഇ.സി.ജി എടുക്കാന്‍
ആശുപത്രിയിലെത്താന്‍
ജൂനിയര്‍ ഡോക്ടര്‍
(അല്പമൊക്കെ കാണാതെയും
കാണിക്കാതെയും എന്ത് ജീവിതം,
ഡോക്ടറെ ?)

ചോരക്ക് സമ്മര്‍ദ്ദ ശേഷിയുണ്ടെന്ന്
ജൂനിയറിന്റെ  കയ്യിലെ ചീട്ട്‌,
ചെറുപ്പത്തിലെ സംഗീതം പഠിപ്പിക്കാന്‍
വിട്ടില്ല , ഇനിയാരു ഗുരുവാകും , കഷ്ടം!
ഇനി പഠിപ്പിച്ചാല്‍ മതിയോ ഡാക്കിട്ടരെ ?

നിമിഷകണക്കില്‍  
എണ്ണം തികക്കാന്‍
ഹൃദയം മിടുക്കനാത്രേ!
പണ്ട് സ്കൂള്‍ പരീക്ഷക്ക്‌
എല്ലാ ചോദ്യവും ഉത്തരിച്ചിരുന്നല്ലോ ,
സത്യമാണ്, താള ബോധമില്ലാതെയാണ്
പരീക്ഷ എഴുതിയത്!


ഗുളിക കഴിക്കാന്‍ മടിയാണന്നല്ലേ ,
-ഡോക്ടറുടെ ചോദ്യം!!
പേടിക്കാനില്ല,
ആയിരത്തില്‍ ഒരുവനു
അലഭ്യ ഭാഗ്യ ശ്രീ ,
മരുന്നൊന്നുമില്ല,
മോക്ഷം എളുപ്പം.

പറ്റുമെങ്കില്‍
കൊടുത്തേല്‍പ്പിച്ച
ഹൃദയമിങ്ങു വാങ്ങിയേരെ,
അല്ലാതെ ഒന്നുമില്ല
ഓ!
ഈ മൂത്ത ഡാക്കിട്ടരുടെ
ഒരു കാര്യം!
   
Post a Comment
Related Posts Plugin for WordPress, Blogger...

Pages