കുത്ത്

കുത്തുകളുടെ നിര
ഇടയ്ക്കോരോ കുത്തിട്ടാല്‍ വര
വരകള്‍ക്ക് മേലെ വാക്ക് വച്ചാല്‍ വരി
വാക്കുകള്‍ക്കിടയ്ക്ക് വിടവ്
വിടവുകള്‍ക്ക്‌ കൃത്യമായ അകലം
അകന്നിരിക്കുമ്പോഴും അടുപ്പം
വരികള്‍ക്കൊടുവില്‍ കുത്ത്
അതിനു പുറകില്‍ കുത്തുകളുടെ നീണ്ട വരി
വരി വരിയായി എങ്ങോട്ട്?
മൌനത്തിലേക്ക്?
മൌനം .......? എങ്ങോട്ട്?
...................................................... ??????

നിയോഗം

മഴേ,
നിന്റെ ചാറ്റലുകള്‍ക്ക്
ഉപ്പു രസം !
നീ
ഇപ്പോഴും കരയുന്നുവോ?
അരുത്.

കുഞ്ഞേ

താഴെ
പൂത്തു നിക്കണ
മൈലാഞ്ചിക്കാടുകളിലേക്ക്
ലോലയായി

പെയ്തിറങ്ങുക,
പിന്നെ ആര്‍ത്തലക്കുക.

പെയ്ത്തു കഴിഞ്ഞാല്‍
കാറ്റില്‍
മൈലാഞ്ചിപ്പൂവിന്റെ
ഉന്മത്ത ഗന്ധം
പടരണം!

മഴയുടെ മകളെ,
മഴത്തുള്ളീ,
പെയ്തു വീഴുക
നിന്റെ നിയോഗം,

നീ
ഭൂമിയുടെ മരുമകള്‍.